25 febrúar 2008
Myndir frá saumalaugardeginum
kv Helga
Breyting á fundartíma í apríl
20 febrúar 2008
Saumalaugardagur 23. febrúar
Sælar kæru Búskur
Þá fer nú að líða að saumalaugardeginum okkar með Bútós konum og Kristrúnu í Quiltbúðinni + fylgdarlið.
Næsta laugardag, 23. febrúar, frá kl. 09,oo til ca. 16,oo.
Boðið verður upp á súpu og salat í hádeginu og svo kannski eitthvað sætt með kaffinu - sanngjarnt verð:)
Þess vegna verðum við að biðja ykkur að skrá ykkur, svo við vitum hversu mikla súpu við eigum að sjóða:) Væri gott að vita um þátttöku fyrir fimmtudagskvöld.
Mætingin í vetur hefur verið með lélegra móti, og væri nú gaman að sjá fleiri andlit í þetta sinn. Við höfum hlerað að konur hafi spurst fyrir um bútasaumsnámskeið - svo ef þið þekkið einhverjar sem hafa áhuga - endilega bjóðið þeim með - engin skylda að ganga í "flokkinn" á fyrsta fundi, bara prófa og hafa gaman af vonandi.
ENN OG AFTUR - UPP MEÐ SOKKANA - OG HASKA SÉR SVO Á LÖNGUMÝRI:):):)
Bestu kveðjur
Jóhanna, Helga Bergs, Anna Sigga og Ebba
31 janúar 2008
Dagsbirtuljósalampar
19 janúar 2008
Janúarfundurinn
Fundurinn var fámennur en góður, 6 konur saumuðu, spjölluðu, skiptust á hugmyndum og skoðunum, sýndu afrakstur jólamánaðarins. Anna Sigga fékk happdrættisræmurnar.
09 janúar 2008
Kvöldfundur 10. janúar
Jæja Búskur! Gleðlilegt nýtt ár, þökkum stórskemmtilega sauma-samveru , hlátur og spjall, liðins árs.
Þá er komið að fyrsta fundi á nýju ári. Á morgun fimmtudaginn 10. janúar er fundur á Löngumýri. Hann hefst kl. 19:00 að venju og stendur til kl.23:00. Við ætlum að hafa ræmuhappdrætti og biðjum ykkur því að koma með 3 ræmur sem eru 3" breiðar og breidd efnis eða ca. 42" Litaval er í ykkar höndum.
Kaffi og meðví - að hefðbundnum hætti.
Sjáumst allar hressar og kátar, uppfullar af góðum hugmyndum. Skyldi einhver hafa notað jólafríið til að bútast? Það verður spennandi að sjá.
Bestu kveðjur, Helga, Jóhanna, Anna Sigga og Ebba.
Sagan hennar Berglindar Snæland
Tekið af vef Berglindar, http://catnap.typepad.com/catnap/
Jólasveinarnir hennar Berglindar, sem ég fann á sömu síðu.

05 desember 2007
Myndir frá jólafundinum
Við sátum þar tíu konur og áttum notalega stund, með jólateið hennar Jóhönnu, ávaxtasalta, piparkökur og fleira góðgæti. Jólapakkaskiptin fóru fram með hefðbundum hætti og Helga Haralds fékk verðalaunin, sem var nytjahlutir til notkunar við bútasauminn.
Nú tökum við því rólega fram yfir áramótin, þá hittumst við allar 10. janúar, hressar og endurnærðar eftir hátíðina.
Ekkert sérstakt á döfinni nema ræmuhappdrætti - sjá dagskrá.

