Jólin garðinn ganga í...

Gleðilega jólahátíð allar Búskur og bútasaumsunnendur vítt og breytt um landið.

Kvöldfundur 20. janúar.

ATHUGIÐ - breyting á fundardegi - janúarfundurinn verður 20. janúar en ekki 13. eins og áður var ákveðið, vegna breytinga hjá Gunnari.

Jólafundur 2008

Notalegum jólafundi lokið, fámennt en góðmennt, Jóhanna, Ebba, Anna Sigga, Sólveig Sig. og Sigga Valgarðs sátu yfir góðgæti og spjalli. Sigga hlaut happdrættisvinninginn góða, pakkning með sniði og efni frá GE design, sem hún kallar Húsfriður.
Helga komst því miður ekki, fann upp á því að fara að handleggsbrjóta sig í gærmorgun, aarrrrrgggggg....... enginn saumaskapur næstu vikurnar á þeim bænum.

Set hér inn leiðbeiningar að þessu veggteppi, tilvalið t.d. að útbúa jóladagatal eða bæta á þetta einhverjum jólaskreytingum.
Bara smella á fyrirsögnina til að komast inn á leiðbeiningasíðuna (enska)

Jólafundur á Löngumýri

Mánudagur 8. desember - kl: 20:00 - 22:00
Breyting: Gunnar hafði tvíbókað daginn, svo við þurftum að færa fundinn fram um einn dag.

Við komum saman á Löngumýri, höfum með okkur litla innpakkaða gjöf, skemmtilegast eitthvað heimatilbúið eða tengt bútasaum en halda verði í lágmarki. Eigum huggulega stund við kertaljós og góðgæti. Sýna og segja frá.

Saumasunnudagur á Löngumýri.

Sunnudagur 23. nóvember - kl: 10:00 - 16:00 saumasunnudagur á Löngumýri.

Við opnum húsið k. 10:00 en frjálst er að mæta þegar hverjum og einum hentar.
Við verðum með léttan mat í hádeginu, súpu, brauð, salat.
Alltaf heitt á könnunni.
Sýna og segja frá.

Flottur fundur

Fjölmennur og góður fundur í kvöld á Löngumýri.
Tvær konur komu á byrjendanámskeiðið, þær eru nokkuð klárlega smitaðar af bútaveikinni.
Myndir frá kvöldinu komnar á myndasíðuna.
Kveðja Helga.

Búskurnar auglýsa !

Næsti fundur á Löngumýri er þriðjudaginn 11. nóveber.

Við reynum aftur!

Nú er tækifæri til að kynnast bútasaumnum.
Kvöldfundur á Löngumýri þriðjudaginn 11. nóv. kl. 18:30
Byrjendanámskeið í bútasaum gegn vægu gjaldi ca. kr. 3000

Ebba 895 5024, Anna Sigga 861 3458, Helga 863 6114

Hafið með ykkur saumavélina, millistykki, tvinna, sprettar og skæri. Gott er líka að hafa með lítinn lampa. Frekari upplýsingar í ofanskáðum símum.


Hlökkum til að sjá ykkur sem flestar


Búskurnar

Jóhanna "Down under"

Sælar allar Búskur.

Ég fékk póst frá Jóhönnu í Ástralíu.
Sú hefur það nú aldeilis fínt, en var búin að finna tvær bútasaumsverslanir sem henni leist nú ekki meira en svo á, en fór svo með íslenskri vinkonu Unnar frænku sinnar í bútasaumsklúbb sem saumar öll mánudagskvöld í tvo-þrjá tíma. Klúbburinn er haldinn í búð sem var víst algjört æði. Hún "missti hökuna niður á bringu og flippaði algjörlega", segir hún.
Frábær efni og frábærar bækur, keypti eitthvað til að sýna okkur. Ætlar svo að taka slatta af myndum segir hún en hún fer aftur að sauma með þeim og ætlar auðvitað að taka með sér tölvuna til að geta sýnt þeim myndir frá okkur Búskunum.

Er svo að fara í "afslöppun" með frænku sinni, verða tvær saman á hóteli í tvo daga, ætli búðargluggarnir hafi nú ekki eitthvað aðdráttarafl, sérstaklega ef einhverjir strangar eru nú í gluggunum. Ekkert smá gott að vera svona í skermuðu umhverfi á þessum ömurlegu tímum hérna á skerinu.

Slæmt veður

Fundinum sem vera átti í kvöld er frestað.
Byrjendanámskeiðið verður á næsta fundi sem er þriðjudagurinn 11. nóvember á sama tíma.

Vitlaus spá fyrir fimmtudag

Það er snarvitlaus spá fyrir morgundaginn hér á Skagafjarðarsvæðinu.

Við sjáum til fram að hádegi á morgun hvort við höldum fundinum annað kvöld til streitu, set þá inn upplýsingar um hvort við frestum eða ekki.