12 október 2006
Næsti fundur er 19. október 2006
Þá verðum við með óvissuverkefni, en nánari upplýsingar um efnismagn og annað verða settar hér inn fljótlega.
Helga
11 október 2006
Myndir frá fundi í september
Tólf konur mættu á fyrsta fund vetrarins, góður fundur en fleiri hefðu mátt láta sjá sig.
Happdrættið kom í hlut nýs félaga sem var að mæta á sinn fyrsta fund.
18 september 2006
Undirbúningsfundur
Við erum búnar að koma saman til skrafs og ráðagerða, forsvarskonur klúbbsins.
Jóhanna Björnsdóttir Sauðárkróki - netfang: jsb52@simnet.is
Anna Friðriksdóttir Sauðárkróki - netfang: annafridriks@simnet.is
Helga Bergsdóttir Sauðárkróki - netfang: helgabergs@simnet.is
Sólveig Pétursdóttir Hofsósi - netfang: drangey@skagafjordur.net
Þar sem við erum þrjár hérna á Króknum og ein á H0fsósi væri ekki úr vegi að fá eina í viðbót og þyrfti hún þá helst að koma úr sveitinni.
Er einhver sem hefur áhuga?
Fyrsti fundur haustsins verður þriðjudag 26. september á Löngumýri, kl 19:00 -23:00
Fyrirkomulag verður með sama sniði og í fyrra, við hitum te og kaffi, en þið hafið með ykkur hnallþórurnar.... nei bara plat... eitthvað smálegt í gogginn.
Við byrjum á því að hafa happdrætti, allar koma með fjóra búta 8" x 8" og höfum þá í haustlitunum.
Félagsgjald verður 1000,- kr sama og í fyrra.
Kvöldfundur kr. 500.-
Kvöldfundur 19. október 19:00 -23:00
Saumasunnudagur 12. nóvember 10:00 til 16:00
Jólafundur 5. desember kl. 20:00-22:00
Stefnt er að fyrsta fundi eftir áramót 10. janúar.
18 maí 2006
Myndir frá fundi 9. maí
Þetta var góður fundur, mikið spjallað og nokkuð borðað.
Jóhanna sýndi okkur myndir sem hún tók á ferð sinni til Manchester í Ameríku en hún var þar líka á námskeiði.Einnig var hún með sitthvað til að sýna sem henni hafði áskotnast í ferðinni. Saumavélarnar voru hvíldar að þessu sinni.
Við ræddum um að byrja aftur í lok ágúst eða byrjun september í haust.
Helga Friðbjörns og Beta Pálma vilja hætta í nefndinni, Helga B og Sólveig P eru til í að vera áfram.
Jóhanna Björns og Anna Friðriks sögðust tilbúnar að koma inn í staðinn og ef fleiri hafa áhuga vinsamlegast látið í ykkur heyra. Það er hægt að senda póst á netföngin okkar allra.
Sumarkveðja Helga B
08 maí 2006
Kvöldfundur 9. maí
Þetta er klárufundur en Jóhanna Björnsdóttir ætlar að sýna og segja frá nýjungum í Ameríkunni en hún er nýkomin þaðan.
Mætum allar á síðasta fund vetrarins. Fyrirkomulag með sama hætti og áður.
06 apríl 2006
Kvöldfundi 6. apríl - FRESTAÐ
05 apríl 2006
Kvöldfundur 6. april
Þetta verður hefðbundinn fundur. Á dagskránni stóð að Sísa yrði með græjusýningu en hún er búin að koma svo við verðum bara í rólegheitunum við okkar iðju.
Komið með eitthvað páskalegt sem þið eigið, sýnum og segjum frá.
Takið með ykkur ef þið eigið snið af fallegum páskaverkefnum við verðum ekki með ljósrit að þessu sinni.
18 mars 2006
Frá kvöldfundi 15. mars
13 mars 2006
Kvöldfundur 15. mars
Mars - miðvikudagskvöldið 15. mars kl: 19 – 23 – vinnufundur á Löngumýri
Stjörnuþema - Þó svo að daginn sé blessunarlega farið að lengja þá ætlum við að leggja fram fáeinar fallegar stjörnur sem gaman er að sauma. Takið með ykkur stjörnustykkin ykkar og hugmyndir með stjörnumynstrum. Félagar sýna og segja frá.
16 febrúar 2006
Saumasunnudagur á Löngumýri
Febrúar: saumadagur 19. febrúar 2006. Kl: 10- 16 á Löngumýri
Kristrún í Quiltbúðinni kemur í heimsókn full af ferskum hugmyndum. Hún tekur með sér efni, snið og ýmislegt forvitnilegt. Gott að grípa budduna með. Nú er upplagt tækifæri til að koma sér í gang með eitthvað nýtt og spennandi. Svo er bara að sauma það sem hugurinn girnist. Félagar sýna og segja frá. Endilega skráið ykkur í matinn hjá einhverri okkar. Gjald fyrir daginn 1500 kr.